लोककल्पतर्फे चिगुळे शाळेला बाक-विद्यार्थ्यांना स्वेटर्स वितरण

बेळगाव : खानापूर तालुक्यातील लोककल्प फौंडेशनने दत्तक घेतलेल्या 32 गावांपैकी चिगुळे गावच्या शालेय विद्यार्थ्यांना बसण्यासाठी बाक व थंडीपासून संरक्षण करण्यासाठी स्वेटर्स वितरित केले. या कार्यक्रमामध्ये फौंडेशनचे सदस्य विठ्ठल कानुरे, किशोर नाईक, संदीप पाटील तसेच स्वयंसेवक आनंद गावडे उपस्थित होते. विद्यार्थ्यांना हसत खेळत शिक्षण घेता यावे या हेतूने सदर बाक देण्यात आले. सध्या थंडीचे दिवस असल्याने मुलांनी शाळेला येताना उबदार कपडे घालून यावे या हेतूने हे स्वेटर देण्यात आले. या मदतीबद्दल शाळा प्रशासनाने लोककल्पप्रती कृतज्ञता व्यक्त केली आहे.