आमदार राजू सेठ यांच्याकडून रस्त्यांच्या कामांचा शुभारंभ

बेळगाव : शहरांतर्गत अनेक रस्ते खराब झाले असल्याने नवीन रस्त्यांच्या कामांचा शुभारंभ आमदार असिफ ऊर्फ राजू सेठ यांच्या हस्ते करण्यात आला. सोमवारी वीरभद्रनगर, आसद खान सोसायटी, खडेबाजार या परिसरातील रस्त्यांच्या कामांचा शुभारंभ करण्यात आला. त्याचबरोबर खडक गल्ली, काकतीवेस, खंजर गल्ली, दरबार गल्ली येथील समस्यांचा आढावा घेण्यात आला. स्थानिक नगरसेवक मुजम्मिल डोनी, कलिमुल्ला मुल्ला, रेश्मा बैरखदार यांच्यासह इतरांनी आमदारांकडे रस्त्यांची मागणी केली होती. त्यानुसार या सर्व नगरसेवकांच्या उपस्थितीत रस्त्यांच्या कामाचा शुभारंभ करण्यात आला. उर्वरित भागातील रस्त्यांची देखभाल, ड्रेनेज व्यवस्था, पाणीपुरवठा यासंदर्भात नागरिकांकडून समस्या जाणून घेतल्या.