पणजी : गोव्याचे आरोग्यमंत्री विश्वजित राणे यांनी मुंबई दौऱ्यात महाराष्ट्राचे उपमुख्यमंत्री देवेंद्र फडणवीस यांची भेट घेऊन त्यांना विधानसभा निवडणुकीसाठी शुभेच्छा दिल्या. फडणवीस हे 25 ऑक्टोबर रोजी निवडणुकीसाठी अर्ज भरणार आहेत. त्यांना राणे यांनी गणेशाची मूर्ती भेट दिली आणि गणेशाची कृपा त्यांच्यावर होऊ दे अशी प्रार्थना केल्याचे सांगण्यात आले. गोवा आणि महाराष्ट्राच्या दृष्टीने त्यांच्यात विकासकामे व इतर बाबतीत चर्चा झाली. महाराष्ट्रात आता दिवाळीनंतर विधानसभा निवडणुकीचा फड रंगणार आहे. त्यासाठी गोव्यातील भाजपचे काही नेते, मंत्री महाराष्ट्रात प्रचारासाठी जाणार आहेत. त्यात राणे यांचा समावेश आहे. राणे हे भाजप उमेदवाराचा प्रचार करणार असून फडणवीस यांच्यासाठी ते प्रचारसभा घेणार असल्याची माहिती सूत्रांनी दिली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
