बेळगाव : सदाशिवनगर शेवटचा क्रॉस येथे मागील महिन्यात गटारीवरील सीडीवर्क कोसळले होते. महापालिकेचे दुर्लक्ष होत असल्याने नागरिकांनी नाराजी व्यक्त केली होती. अखेर मंगळवारी सीडीवर्कच्या कामाला मुहूर्त सापडला. महापौर सविता कांबळे व आमदार राजू सेठ यांच्या हस्ते कामाचा शुभारंभ करण्यात आला. सीडीवर्क कोसळल्याने परिसरातील नागरिकांना ये-जा करणे अवघड झाले होते. त्यामुळे सीडीवर्कचे काम वेळेत पूर्ण करण्याची मागणी केली जात होती. साहित्य आणूनही काम सुरू करण्यास विलंब होत असल्याने स्थानिकांनी तक्रार केली होती. सामाजिक कार्यकर्ते प्रसाद चौगुले यांनी वारंवार पाठपुरावा केल्यामुळे मंगळवारपासून सीडीवर्कच्या कामाला सुरुवात झाली. यावेळी सागर शिंदे, जमील देसाई, बापू चव्हाण, सुभद्रा चव्हाण, ईश्वर पाटील यांच्यासह परिसरातील नागरिक उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
