ग्रेटर नोयडा : न्यूझीलंड आणि अफगाण यांच्यात एकमेव कसोटी सामन्यातील गुरुवारचा चौथा दिवसही पावसामुळे वाया गेला. या सामन्यातील खेळाचे पहिले चार दिवसही पावसामुळे वाया गेले. ग्रेटर नोयडा परिसरामध्ये गेले चार दिवस मुसळधार पावसाच्या सरी सातत्याने कोसळत असल्याने मैदान आणि खेळपट्टीवर पाणी साचले आहे. शुक्रवारी या सामन्यातील शेवटच्या दिवशी खेळाला सकाळी 8 वाजता सुरुवात करण्याचे ठरविले आहे. 2017 साली अफगाणला आयसीसीकडून कसोटी दर्जा देण्यात आला. अफगाणची ही दहावी कसोटी आहे. मात्र ही कसोटी आयसीसी विश्व कसोटी चॅम्पियनशीप अंतर्गत नसल्याचे स्पष्टीकरण देण्यात आले आहे. आता न्यूझीलंडचा संघ श्रीलंकेच्या दौऱ्यावर जाणार आहे. लंका आणि न्यूझीलंड यांच्यात दोन सामन्यांची कसोटी मालिका खेळविली जाणार असून या मालिकेनंतर न्यूझीलंडचा संघ पुन्हा भारतात तीन सामन्यांची कसोटी मालिका खेळण्यासाठी येणार आहे. भारत आणि न्यूझीलंड यांच्यातील या कसोटी मालिकेला बेंगळूरमध्ये 16 ऑक्टोबरपासून प्रारंभ होईल.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
