यरमाळ रोडवरील ‘ती’ कूपनलिका अखेर दुरुस्त

बेळगाव : यरमाळ रोड, वडगाव येथील प्रभाग क्र. 50 मधील कूपनलिका नादुरुस्त झाली होती. बऱ्याच वर्षापासून कूपनलिका खराब झाल्यामुळे पाण्याची समस्या गंभीर बनली होती. त्याची दुरुस्ती माजी नगरसेवक मनोहर हलगेकर आणि या परिसरातील नागरिकांनी केली आहे. यामुळे जनतेतून समाधान व्यक्त होत आहे. यरमाळ रोडवरील सार्वजनिक गणेशोत्सव मंडळाचा गुरुवारी महाप्रसाद होणार आहे. त्यामुळे पाण्याची नितांत गरज होती. त्यासाठी तातडीने या कूपनलिकेची दुरुस्ती करण्यात आली आहे. यावेळी माजी नगरसेवक मनोहर हलगेकर, प्रशांत चव्हाण, पिराजी कंग्राळकर, विश्वनाथ पाटील, महेश कंग्राळकर, गल्लीतील  नागरिक तसेच गणेशोत्सव मंडळाचे कार्यकर्ते उपस्थित होते.