बेळगाव : आरपीडी महाविद्यालय समोरील ड्रेनेज चेंबर भरून रस्त्यावर वहात असल्याने महाविद्यालयासमोर दुर्गंधी पसरली आहे. आरपीडी महाविद्यालय व युनियन बँक ऑफ इंडियासमोर असलेल्या डेनेज चेंबरमधून गेल्या काही दिवसांपासून सांडपाणी रस्त्यावर वहात आहे. त्यामुळे या परिसरात दुर्गंधी मोठ्या प्रमाणात पसरत असल्याने या रस्त्यावरून जात असलेल्या विद्यार्थी व नागरिकांना याचा त्रास सहन करावा लागत आहे. आरपीडी महाविद्यालयाच्या प्रवेशद्वाराला लागून व युनियन बँकेच्या समोरच हा ड्रेनेज चेंबर असल्याने बँकेमध्ये येणाऱ्या ग्राहकांना या सांडपाण्यामधून बँकेत व्यवहारासाठी ये-जा करावी लागत आहे. तसेच आपली वाहनेही याच ठिकाणी लावून जाण्याची वेळ आली आहे. याच ठिकाणी आरपीडी, जीएसएस महाविद्यालय असल्याने येथे हजारो विद्यार्थी येत असतात. त्यांना याच ठिकाणच्या सांडपाण्यात आपली वाहने उभी करावी लागत आहेत. गोगटे महाविद्यालयात फुटपाथवरून चालत जाणाऱ्या विद्यार्थ्यांना नाक बंद करून जावे लागत आहे. तरी संबंधित अधिकाऱ्यांनी लवकरात लवकर डेनेज चेंबर स्वच्छ करावा, अशी मागणी विद्यार्थी व नागरिकांच्यावतीने करण्यात येत आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
