बेळगाव : आरडीज फुटबॉल अकादमी आयोजित पहिल्या शिरगुरकर चषक आंतरशालेय इलेव्हन ए साईड फुटबॉल स्पर्धेला गुरुवार दि. 29 पासून लेले मैदानावर प्रारंभ होत आहे. यामध्ये 16 शालेय संघांनी भाग घेतला आहे. त्यामध्ये सेंट झेवियर्स अ, केएलई इंटरनॅशनल, ज्योती सेंट्रल, सेंट मेरीज, अमृता विद्यालय, फिनीक्स होनगा, एम. व्ही. हेरवाडकर, केंद्रीय विद्यालय 2, कनक मेमोरीयल, केएलएस, सेंट पॉल्स, मदनी, एम.व्ही.एम., भरतेश, गुड शेफर्ड व सेंट झेवियर्स ब आदी संघांचा समावेश आहे. स्पर्धेच्या उद्घाटनप्रसंगी प्रमुख पाहुणे म्हणून उपमहापौर आनंद चव्हाण, स्पर्धेचे प्रमुख पुरस्कर्ते उद्योजक नितीन शिरगुरकर, स्पर्धा सचिव राहुल देशपांडे आदी उपस्थित राहणार आहेत. उद्घाटनाचा सामना सेंट झेवियर्स अ व केएलई इंटरनॅशनल यांच्यात सकाळी 10.30 वाजता खेळविण्यात येणार आहे. दुसरा सामना 11.30 वाजता गुड शेफर्ड विरुद्ध सेंट झेवियर्स ब यांच्यासह इतर सामने होतील.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
