धामणे : बळ्ळारी नाला परिसरातील जुने बेळगाव, वडगाव, शहापूर भागातील शेतकऱ्यांनी मे महिन्याच्या शेवट आणि जून महिन्याच्या सुरुवातीला पावसाळ्यापूर्वी भात पेरणी केली होती. जून महिन्याच्या शेवटपर्यंत भाताचे रोप चांगले होते. परंतु जुलै महिन्यात पावसाने संततधार जोर ठेवला. त्यामुळे जुने बेळगाव, वडगाव, शहापूर येथील शेतकऱ्यांच्या शिवारातून जाणाऱ्या बळ्ळारी नाल्याला पूर आल्याने शेकडो एकर जमिनीतील भातपीक कुजून बाद झाल्यामुळे या बळ्ळारी नाल्याच्या पुरात सापडलेल्या भात पिकांचे मोठे नुकसान झाले आहे. आता गेल्या आठवडाभर पावसाने विश्रांती घेतल्याने बळ्ळारी नाला परिसर शिवारातील पाणी कमी झाले आहे. बळ्ळारी नाला परिसरातील शेतकरी भातरोपाची दुबार लागवड करण्यात व्यस्त झाले आहेत. येथील एका शेतकऱ्याला विचारले असता जर पुन्हा मोठा पाऊस झाला तर बळ्ळारी नाल्याला लगेच पूर येतो. तेव्हा आता लागवड करत असलेले रोप पुन्हा खराब होण्याची भीती आहे, असे ते म्हणाले. पुढे नशिबाची साथ. धरले तर चावते सोडले तर पळते. अशी स्थिती शेतकऱ्यांची झाली आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
