बेळगाव : जिल्हाधिकारी कार्यालयासमोरील भुयारी मार्गात मोठ्या प्रमाणात पाणी साचत असल्याने त्याठिकाणी रविवारी दोन पंपसेटद्वारे पाणी उपसण्याचे काम हाती घेण्यात आले होते. त्यामुळे भुयारी मार्गातील पाणी उपसा करण्याला गती देण्यात आल्याचे दिसून आले. यामुळे सदर मार्गातील पाणी कमी होणार का? हे पहावे लागणार आहे. गेल्या 15 ते 20 दिवसांपासून पाऊस कोसळत असल्यामुळे भुयारी मार्ग पावसाच्या पाण्याने तुडुंब भरला आहे. येथील धोका लक्षात घेऊन व पाण्यामुळे निर्माण होणारी रोगराई लक्षात घेत मनपाकडून गेल्या दहा दिवसांपासून एक पंपसेटद्वारे पाणी उपसा करण्यात येत आहे. मात्र इतके करूनही त्याला यश आले नसल्याने पाण्याचा भुयारी मार्गातील पाणी पातळी वाढतच होती. यासाठी रविवारी आणखी एक पंपसेट बसवून पाणी उपसण्याचे काम हाती घेण्यात आले होते. असे असले तरी पावसाचा जोर कायम असल्याने भुयारी मार्गात मोठ्या प्रमाणात पाणी साचत होते. दोन पंपसेटद्वारे पाणी उपसा केला जात असल्याने भुयारी मार्गातील पाणी पूर्णपणे पाणी उपसले जाणार का? हे पहावे लागणार आहे. सायंकाळी उशिरापर्यंत पाणी उपसण्याचे काम सुरू होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
