अळवण गल्लीत घराची भिंत कोसळून साहित्याचे नुकसान

बेळगाव : सतत कोसळणाऱ्या पावसामुळे शहरातील विविध ठिकाणच्या घरांची पडझड होतच आहे. अळवण गल्ली शहापूर येथील एका घरांची भिंत कोसळून घरातील साहित्याचे नुकसान झाल्याची घटना सोमवारी घडली. या घटनेमध्ये सुदैवानेच कोणालाही काही झाले नाही. अळवण गल्ली येथे रवि हैबत्ती यांचे घर आहे. गेल्या काही दिवसापासून सुरू असलेल्या पावसामुळे त्यांच्या घराची भिंत कोसळली. यामध्ये घरातील भांडी, कपडे, टीव्ही व इतर साहित्य त्या भिंतीच्या खाली सापडले त्यामुळे त्या साहित्याचे नुकसान झाले. यावेळी त्याठिकाणी कोणीही नसल्याने पुढील अनर्थ टळला. नुकसानग्रस्ताना भरपाई द्यावी, अशी मागणी या परिसरातील जनतेतून होत आहे.