सांबरा श्री महालक्ष्मीदेवी यात्रा कमिटीतर्फे युवराज पाटीलसह मान्यवरांचा सत्कार

बेळगाव : दै. ‘तरुण भारत’चे वार्ताहर युवराज पाटील व इतर मान्यवरांचा सांबरा येथील श्री महालक्ष्मी देवी यात्रा व रथोत्सव कमिटीच्या वतीने सत्कार करण्यात आला. प्रारंभी श्री शिवप्रतिष्ठान हिंदुस्थानचे पूर्व उपविभाग प्रमुख मोहन जोई यांनी प्रास्ताविक व स्वागत केले. त्यानंतर शाल व पुष्पहार घालून तसेच स्मृतिचिन्ह देऊन कमिटीच्या वतीने युवराज पाटील यांचा सत्कार करण्यात आला. याप्रसंगी यात्रा कमिटीचे खजिनदार वाय. के. धर्मोजी म्हणाले की, तऊण भारतने यात्रा सुरू झाल्यापासून यात्रा संपेपर्यंत दररोज श्री महालक्ष्मी देवीच्या यात्रेचे सविस्तर वृत्तांकन करून यात्रेची माहिती सर्व दूर पोहोचवली आहे. त्यामुळे तरुण भारतचे आम्ही आभार व्यक्त करत आहोत. यावेळी युवराज पाटील यांनी सत्काराबद्दल कृतज्ञता व्यक्त केली. यावेळी मारीहाळ पोलीस स्थानकाचे पीएसआय मंजुनाथ नाईक व सहकाऱ्यांचाही कमिटीच्या वतीने सत्कार करण्यात आला. याप्रसंगी श्री महालक्ष्मीदेवी यात्रा कमिटीचे अध्यक्ष राजू देसाई, उपाध्यक्ष भरमगौडा पाटील, सदस्य सिद्राई यड्डी, ईराप्पा जोई, मनोहर जोई, कल्लाप्पा पालकर, विलास खनगावकर, सिद्धवीर कोलकार, सदाशिव पाटील, विजय धर्माजी, मदन अप्पयाचे, दीपक जत्राटी, ग्रा. पं. उपाध्यक्ष माऊती जोगानी, कल्लाप्पा सोनजी, शंकर यड्डी, राहुल गावडेसह यात्रा कमिटीचे सदस्य, ग्रा. पं. सर्व सदस्य व ग्रामस्थ उपस्थित होते.