काहेरतर्फे राज्यस्तरीय युवा महोत्सव

बेळगाव : काहेर विद्यापीठाचा एनएसएस विभाग, तसेच युवजन खात्याचा एनएसएस विभाग यांच्या संयुक्त विद्यमाने केएलईच्या डॉ. बी. एस. कोडकणी सभागृहात 27 एप्रिल ते 1 मे दरम्यान राज्यस्तरीय युवा महोत्सव पार पडला. उद्घाटनप्रसंगी कुलसचिव डॉ. एम. एस. गणाचारी यांनी स्वागत केले. एनएसएस अधिकारी डॉ. संतोष मेटगुड यांनी युवजन क्रीडा खात्याचे अधिकारी डॉ. प्रताप लिंगय्या यांचा परिचय करून दिला. यावेळी बोलताना त्यांनी भारताला सांस्कृतिक वैभवाची परंपरा आहे. विविधतेत एकता हे आपल्या देशाचे वैशिष्ट्या आहे आणि राष्ट्रीय सेवा योजनेमुळे सर्व लोक एकत्र काम करून समाजात बदल घडवितात, असे सांगितले. केएलई व्ही. के. च्या प्राचार्या डॉ. अलका काळे यांनी प्रमुख पाहुण्या या नात्याने एनएसएसच्या सर्व उपक्रमात भाग घेण्याचे आवाहन केले. इन्स्टिट्यूट ऑफ फिजिओथेरपीचे प्राचार्य डॉ. संजीव कुमार यांनी आरोग्याचे महत्त्व अधोरेखित केले. कुलगुरु डॉ. नितीन गंगाणे यांनीस्वागत करून शिबिरामुळे तसेच महोत्सवामुळे नेतृत्वगुण, देशभक्ती, सांघिक भावना वाढीस लागते, असे सांगितले. डॉ. अश्विनी नरसण्णावर यांनी आभार मानले. स्नेहा व योग्या यांनी सूत्रसंचालन केले. स्फूर्ती यांनी स्वागतगीत सादर केले.