बेळगाव : महिला पोलीस व अधिकाऱ्यांची शारीरिक व मानसिक ताकद वाढविण्यासाठी पोलीस दलाच्यावतीने गुरुवारी भ्रामरी या शिबिराचे आयोजन करण्यात आले होते. पोलीस मुख्यालयात झालेल्या या शिबिरात बेळगाव शहर व उत्तर विभागातील वेगवेगळ्या जिल्ह्यांतून आलेल्या 214 महिला पोलीस व अधिकाऱ्यांनी भाग घेतला होता. बेळगाव उत्तर विभागाचे पोलीस महानिरीक्षक व प्रभारी पोलीस आयुक्त विकाशकुमार विकाश यांच्या पुढाकारातून हे शिबिर भरविण्यात आले. या शिबिरात गुन्हे तपास व वाहतूक विभागाच्या पोलीस उपायुक्त पी. व्ही. स्नेहा यांच्यासह अनेक महिला अधिकाऱ्यांनीही भाग घेतला होता.पोलीस दलात सेवा बजावताना येणारा ताणतणाव दूर करून महिला पोलिसांची ऊर्जा वाढविण्यासाठी यु. एफ. अकादमी फाऊंडेशन आणि बजाज कॅपिटल फाऊंडेशन यांच्यावतीने या कार्यक्रमाचे आयोजन करण्यात आले होते. शारीरिक व मानसिक संतुलन राखणे आरोग्यासाठी महत्त्वाचे असते. रवीश धमिजा व त्यांच्या सहकाऱ्यांनी महिला पोलिसांना मार्गदर्शन केले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
