इलेव्हन स्टार, शिवनेरी, ग्रामीण, एस. के. विजयी

बेळगाव : साईराज स्पोर्ट्स क्लब आयोजित नवव्या साईराज चषक अखिल भारतीय निमंत्रितांच्या टेनिस बॉल क्रिकेट स्पर्धा गुरूवारी खेळविण्यात आलेल्या सामन्यातून स्टार इलेव्हन, शिवनेरी स्पोर्ट्स, ग्रामीण स्पोर्ट्स, एसके स्पोर्ट्स संघाने या प्रतिस्पर्धांवर मात करून पुढील फेरीत प्रवेश केला. शहा फैजान, संदीप, हणमंत, रोशन लाड यांना सामनावीर पुरस्कार देण्यात आला. गुरूवारी खेळविण्यात आलेल्या पहिल्या सामन्यात युवराज स्पोर्ट्सने 8 षटकात 6 गडीबाद 50 धावा केल्या. त्यात अवधुतने 13 धावा केल्या. इलेव्हन स्टारतर्फे अहमदने 3, शहाने 1 गडीबाद केला. प्रत्युत्तरादाखल खेळताना इलेव्हन स्टारने 6.2 षटकात 3 गडीबाद 51 धावा करून सामना 7 गड्यांनी जिंकला. त्यात शहा फैजानने 2 षटकार 2 चौकारासह 26, महेशने 14 धावा केल्या. युवराजतर्फे विजयने 2 तर जोतिबाने 1 गडीबाद केला. दुसऱ्या समान्यात शिवनेरी 8 षटकात 1 गडीबाद 89 धावा केले. त्यात संदीपने 4 षटकार, 4 चौकारासह नाबाद 52, महांतेशने 34 धावाच केल्या. प्रत्युत्तरादाखल खेळताना नाड स्पोर्ट्सने 8 षटकात 7 गडीबाद 75 धावा केल्या. त्यात समीरने 25, अक्षयने 13 धावा केल्या. शिवनेरीतर्फे अभिजीतने 3, संदीपने 2 गडीबाद केल्या. तिसऱ्या सामन्यात बेळगाव वारियर्सने 8 षटकात 7 बाद 38 धावा केल्या. त्यात संतोषने 15 धावा केल्या. ग्रामीण स्पोर्ट्सतर्फे हणमंत व श्रीकांत यांनी प्रत्येकी 2 गडीबाद केल्या. प्रत्युत्तरादाखल खेळताना ग्रामीण स्पोर्ट्सने 3.5 षटकात 2 गडीबाद 41 धावा करून सामना 8 गड्यांनी जिंकला. त्यात श्रीनिवासने 15, उमेशने 13 धावा केल्या. बेळगाव वारियर्सतर्फे शुभमने 2 गडीबाद केल्या. चौथ्या सामन्यात व्हीसीसी संघाने 8 षटकात 9 गडीबाद 43 धावा केल्या. त्यात सागरने 14 धावा. एस. के. स्पोर्ट्सतर्फे रोशनने 3, लक्ष व महेश प्रत्येकी 2 गडीबाद केले. प्रत्युत्तरादाखल खेळताना एस. के. स्पोर्ट्सने 5.1 षटकात 49 धावा करून सामना 9 गड्यांनी जिंकला.