देसूर ग्रा. पं.तर्फे एससी-एसटी लाभार्थ्यांना घरगुती साहित्याचे वितरण

बेळगाव : देसूर ग्राम पंचायतीमार्फत एससी-एसटी लाभार्थी कुटुंबांना 25 टक्के राखीव अनुदानातून साहित्याचे वितरण कार्यक्रम येथील ग्रा. पं. सभागृहात आयोजित करण्यात आला होता. अध्यक्षस्थानी ग्रा. पं. अध्यक्षा लक्ष्मी शिवाजी पाटील या होत्या. प्रमुख पाहुणे म्हणून जि. पं. माजी सदस्य व शिक्षण स्थायी समितीचे अध्यक्ष रमेश गोरल व पीडीओ सुचेता बेंक्कनहळ्ळी, उपाध्यक्षा काशव्वा कांबळे व कमलनगर झाडशहापूर व देसूर येथील सर्व सदस्य व नागरिक उपस्थित होते. प्रमुख पाहुणे रमेश गोरल यांना शाल, श्रीफळ देवून पुष्पहार घालून गौरविण्यात आले. अध्यक्षा लक्ष्मी पाटील यांचा सत्कार पीडीओ यांनी केला. उपाध्यक्षा सी. काशव्वा, वैजू कांबळे यांचा सत्कार माजी उपाध्यक्षा स्नेहा शंकर कुंभार यांनी केला.  पीडीओ सुचेता बेंक्कनहळ्ळी यांनी स्वागत केले. रमेश गोरल यांच्या हस्ते लाभार्थी कुटुंबांना 25 टक्के राखीव निधीतून घरगुती साहित्य वितरीत करण्यात आले. त्याबद्दल आपल्या भाषणात त्यांनी माहितीही दिली. यावेळी रावजी घाडी, सेक्रेटरी ईश्वर गुरव, पीडीओ बेंक्कनहळ्ळी यांनीही सदर योजनेबद्दल सविस्तर माहिती दिली. यावेळी बहुसंख्य आजी माजी ग्रा. पं. सदस्य व गावकरी व लाभार्थी कुटुंबप्रमुख उपस्थित होते. सूत्रसंचालन व आभार प्रदर्शन सातेरी कांबळे यांनी केले.