मजगाव येथून यल्लम्मा यात्रेला भाविक रवाना

बेळगाव : शाकंभरी पौर्णिमेसाठी श्री रेणुका देवीची यात्रा सौंदत्ती येथील डोंगरावर श्री क्षेत्र यल्लम्मा देवीची सालाबादप्रमाणे भरत असते. यावर्षीही अती उत्साहाने मजगाव, पिरनवाडी, खादरवाडी व इतर उपनगरातील भक्त शेकडोंच्या संख्येने चारचाकी वाहनातून जात आहेत. मंगळवार दि. 23 रोजी मजगावातून प्रत्येक गल्लीतून शेतकरी वर्ग मोठ्या संख्येने जात आहेत. येथील मारुती गल्लीतील भाविक मंगळवारी सकाळी दोन टेंपोतून यल्लम्माला रवाना झाले. यावेळी हभप संतोष मजुकर यांनी टेंम्पोचे पूजन केले. गल्लीतील भाविक मोठ्या संख्येने उपस्थित होते. सौंदत्ती यल्लम्मा डोंगरावरील यात्रा व पडल्या भरण्याचा कार्यक्रम गुरुवार दि. 25 रोजी पौर्णिमेच्या दिवशी होणार आहे.