पणजी : स्वत:च्या चार वर्षांच्या मुलाच्या खुनाचा आरोप असलेल्या सूचना सेठला पणजी येथील बाल न्यायालयाने काल सोमवारी पाच दिवसांची वाढीव पोलीस कोठडी सुनावली आहे. सूचना सेठला म्हापसा न्यायालयाने दिलेली सहा दिवसांची कोठडी रविवारी संपली होती. हे प्रकरण बालकाच्या मृत्यूशी निगडीत असल्याने कळंगुट पोलिसांनी तिला सोमवारी दुपारी 12. 30 वाजता पणजीतील बाल न्यायालयात हजर केले होते. त्यावेळी न्यायालयाने तिला पाच दिवसांची पोलीस कोठडी सुनावली. बाल न्यायालयात सरकारी वकिलांनी सूचना सेठ ही पोलीस चौकशीला सहकार्य करत नसल्याचा दावा केला. ती मुलाचा खून कसा केला याची त्रोटक माहिती देत असून काही गोष्टी लपवत आहे. तिची सखोल जबानी घेण्यासाठी आणखी अवधी हवा असून तिची डीएनए चाचणीही करायची आहे. याशिवाय इतर पुरावेही गोळा करायचे आहेत. त्यामुळे सूचनाला आणखी आठ दिवस पोलीस कोठडी देण्याची विनंती पोलिसांनी न्यायालयाकडे केली होती. मात्र न्यायालयाने तिला पाच दिवसांची कोठडी वाढवली आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
