भारताचा एकमेव गोल नोंदवणारी निक्की प्रधान
वृत्तसंस्था/ व्हॅलेन्सिया, स्पेन
येथे सुरू असलेल्या महिलांच्या पंचरंगी हॉकी स्पर्धेत भारताला जर्मनीकडून 1-3 अशा गोलफरकाने पराभव स्वीकारावा लागला.
कर्णधार निको लोरेझ (11 वे मिनिट), हॅना करिना ग्रॅनित्झ्की (23 वे मिनिट) व चार्लोट स्टॅपेनहॉर्स्ट (52 वे मिनिट) यांनी जर्मनीचे गोल नोंदवले तर भारताचा एकमेव गोल निक्की प्रधानने 34 व्या मिनिटाला नोंदवला. जर्मनीने आक्रमक खेळ करीत पहिल्या दोन सत्रांत एकेक गोल नोंदवला. तिसऱ्या सत्रात निक्की प्रधानने एकमेव गोल पेनल्टी कॉर्नरवर नोंदवला तर चौथ्या सत्रात जर्मनीने आणखी एक गोल नोंदवत विजय साकार केला. भारताची शेवटची लढत गुरुवारी आयर्लंडविरुद्ध होणार आहे.
