आरसीयु हॉकी स्पर्धेत गोगटे, लिंगराज विजेते

बेळगाव : एसकेई संस्थेची आरपीडी महाविद्यालय आयोजित राणी चन्नम्मा विद्यापीठ आंतरमहाविद्यालयीन हॉकी स्पर्धेत पुरूष गटात गोगटे महाविद्यालयाने तर महिला गटात लिंगराज महाविद्यालयाने विजय मिळवून आरसीयु चषक पटकाविला. आरपीडी महाविद्यालयाच्या चिंतामनराव पटवर्धन मैदानावर घेण्यात आलेल्या आरसीयु हॉकी स्पर्धेत अंतिम सामन्यात पुरूष गटात गोगटे वाणिज्य महाविद्यालयाने आरपीडी महाविद्यालयाचा पराभव करुन विजेतेपद पटकाविले. तर या स्पर्धेत संगोळी रायण्णा महाविद्यालयाला तिसऱ्या क्रमांकावर समाधान मानावे लागले. तर महिलांच्या गटात लिंगराज महाविद्यालयाने गोगटे वाणिज्य महाविद्यालयाचा पराभव करुन विजेतेपद पटकाविले. आरपीडी महाविद्यालयाने तिसरा क्रमांक पटकाविला. सामन्यानंतर बक्षीस वितरण प्रसंगी प्रमुख पाहुणे म्हणून प्राचार्य अभय पाटील, हॉकी प्रशिक्षक अरुण एम. (म्हैसूर), संजय बानदा (गुलबर्गा), प्रवीण वाघमोरे (चिक्कोडी), क्रीडा प्राध्यापक डॉ. रामकृष्ण एन. यांच्या हस्ते विजेत्या, उपविजेत्या व तिसऱ्या क्रमांक पटकाविलेल्या संघांना चषक, प्रमाणपत्र देऊन गौरविण्यात आले. या स्पर्धे दरम्यान राणी चन्नम्मा विद्यापीठाची निवड चाचणीही घेण्यात आली. निवड करण्यात आलेला संघ आंतरविद्यापीठ स्पर्धेसाठी जाणार आहे.