बॅडमिंटन स्पर्धेत स्तुती कित्तूरला उपविजेतेपद

बेळगाव : हावेरी येथे पदवीपूर्व शिक्षण खात्यातर्फे घेण्यात आलेल्या राज्यस्तरीय शट्ल बॅडमिंटन स्पर्धेत सिध्दरामेश्वर पदवीपूर्व महाविद्यालयाच्या स्तुती कित्तूरने अंतिम फेरीत धडक मारली. तिला या स्पर्धेत उपविजेतेपदावर समाधान मानावे लागले. तिची विजयवाडा येथे होणाऱ्या राष्ट्रीय स्पर्धेसाठी कर्नाटक संघात निवड झाली आहे. हावेरी येथे घेण्यात आलेल्या पदवीपूर्व शिक्षण खात्याच्या राज्यस्तरीय बॅडमिंटन स्पर्धेत स्तुती संदीप कित्तुरने पहिल्या सामन्यात कोडगुच्या खेळाडूच्या 15-5, 15-2, तर दुहेरीत 15-5, 15-3 अशा गुणफरकाने पराभव करून उपांतपूर्व फेरीत प्रवेश केला. या फेरीत तिने बळ्ळारीच्या खेळाडूचा 15-3, 15-2 तर दुहेरीत 15-2, 15-3 असा पराभव करून उपांत्यफेरीत प्रवेश केला. उडपीच्या खेळाडूचा 15-6, 15-6 अशा गुणफरकाने तर दुहेरीत 15-8, 15-11 अशा गुण फरकाने पराभव करीत अंतिम फेरीत धडक मारली. अंतिम सामन्यात मात्र बंगळूरच्या अव्वल मानांकीत बॅडमिंटनपटू स्तुतीला 15-12, 12-15, 15-13 अशा गुणफरकाने पराभव पत्करावा लागला. स्तुती कित्तूरची विजयवाडा येथे एसजीएफआय राष्ट्रीय बॅडमिंटन स्पर्धेसाठी कर्नाटक बॅडमिंटन संघात निवड झाली आहे. तिला एनआयएस प्रशिक्षक लक्ष्मीकांत नेतलकर यांचे बहुमूल्य मार्गदर्शन लाभत आहे. ती कॉन्टस  बॅडमिंटन अकादमीत सराव करीत आहे.