बेळगाव : आनंद क्रिकेट अकादमी आयोजित चौगुले चषक 14 वर्षाखालील आंतरशालेय क्रिकेट स्पर्धेत गुरुवारी खेळविण्यात आलेल्या सामन्यात सेंट मेरिजने ज्ञानप्रबोधनचा 10 गड्यांनी तर केएलई इंटरनॅशनलने भरतेशचा 124 धावांनी पराभव करून प्रत्येकी 2 गुण मिळविले. मोहम्मद हमजा (केएलई), प्रद्योत विरगौडर (सेंट मेरिज) यांना सामनावीर पुरस्कार देण्यात आला. या स्पर्धेतील पहिल्या सामन्यात केएलई इंटरनॅशनलने प्रथम फलंदाजी करताना 20 षटकात 6 गडी बाद 168 धावा केल्या. त्यात मोहम्मद हमजाने 6 चौकारांसह 55, सय्यद अब्रासने 5 चौकारांसह 43 धावा केल्या. प्रत्युत्तरादाखल खेळताना भरतेश संघाचा डाव 16.5 षटकात 44 धावात आटोपला. केएलईतर्फे मोहम्मद हमजा, भूरण पैस यांनी प्रत्येकी 2 गडी बाद केले. दुसऱ्या सामन्यात ज्ञानप्रबोधन मंदिरने प्रथम फलंदाजी करताना 20 षटकात सर्व गडी बाद 68 धावा केल्या. प्रत्युत्तरादाखल खेळताना सेंट मेरिजने 10 षटकात बिनबाद 71 धावा करून सामना 10 गड्यांनी जिंकला. त्यात अथर्व मरूचेने 4 चौकारांसह 28, अर्जुन येळ्ळूरकरने 4 चौकारांसह 25 धावा केल्या. ज्ञानप्रबोधनतर्फे सुजल गोरलने 2 गडी बाद केले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
