सृष्टी कंग्राळकरची अभिनंदनीय निवड

बेळगाव : बेंगळूर येथे सार्वजनिक शिक्षण खात्यातर्फे घेण्यात आलेल्या राज्यस्तरीय जलतरण स्पर्धेत फॅसेनेट स्पोर्टस अकादमीच्या दोन जलतरणपटूंनी यश संपादन केले आहे. सृष्टी कंग्राळकरची राष्ट्रीय स्पर्धेसाठी निवड झाली आहे. बेंगळूर येथील बसवणगुडी जलतरण तलावात घेण्यात आलेल्या राज्यस्तरीय जलतरण स्पर्धेत बेळगावच्या फॅसेनेट क्लबची जलतरणपटू सृष्टी कंग्राळकर हीने 400 मी वैयक्तीक मिडलेमध्ये रौप्यपदक तर कामरान पाशा इनामदारने 50 मी ब्रेस्टस्टोकमध्ये कास्यपदक पटकाविले आहे. सृष्टी कंग्राळकरची राष्ट्रीय स्पर्धेसाठी कर्नाटक जलतरण संघात निवड झाली आहे. तिला जलतरण एनआयएस प्रशिक्षक श्यामसुंदर मलाई, संदीप मलाई व वरूण बल्लोळी यांचे बहुमूल्य मार्गदर्शन लाभत आहे.