वेंगुर्ले (वार्ताहर)-
वरूण सरदेसाई यांनी केली निवड
उद्धव ठाकरे शिवसेनेचे नेते तथा खासदार विनायक राऊत व शिवसेनेचे सचिव वरुण सरनाईक यांच्या प्रमुख उपस्थितीत वेंगुर्लेत झालेल्या कार्यकर्त्यांच्या पदवीधर मतदार नोंदणी आढावा बैठकीत वेंगुर्ले शहरात 25 वर्षे नगरसेवक, अडीच वर्षे नगराध्यक्ष, तसेच विषय समितीची पदे भुषविणारे आणि नागरिकांना प्रसंगाला धावून जात मदत करणारे क्रियाशील कार्यकर्ते असलेले वेंगुर्लेचे माजी नगराध्यक्ष संदेश निकम यांची उपजिल्हा प्रमुख पदी सेना नेते विनायक राऊत व सचिव वरूण सरदेसाई यांनी निवड जाहिर केली. या निवडी नंतर संदेश निकम यांचे सेनेचे सचिव वरुण सरदेसाई यांनी खास अभिनंदन करुन शुभेच्छा दिल्या.
वेंगुर्लेचे माजी नगराध्यक्ष व नगर परीषदेत 25 वर्षे नगरसेवक भुषविणारे संदेश निकम हे संदेश निकम मित्रमंडळाच्या माध्यमातून गेली अनेक वर्षे सर्वसामान्य नागरिकांसाठी सामाजिक स्तरावर उपक्रम राबवित आहेत. आपत्कालीन घटनेत नागरिकांना तातडीने आरोग्य सेवा मिळण्यासाठी मित्रमंडळाच्या रुग्ण वाहिकेच्या माध्यमातून सेवा देत असतात. कोरोना काळात परजिल्ह्यातील वेंगुर्लेत अडकलेल्या कामगारांना त्यांच्या घरी जाण्यासाठी यशस्वी काम केले. तसेच कोरोना काळात लागण झालेल्या नागरिकांना अन्नधान्यांसह लागणाऱ्या अन्य जीवनोपयोगी वस्तू पुरविण्याचे काम केले. त्यांच्या सामाजिक कार्याची व पक्षासाठी सुरु ठेवलेल्या कामाची दखल घेऊन उध्दव ठाकरे शिवसेनेत उपजिल्हा प्रमुख म्हणून निवड करण्यात आली आहे.
वेंगुर्ले, सावंतवाडी, दोडामार्ग तालुक्याची कोकण पदवीधर मतदार नोंदणी आढावा बैठक सोमवारी वेंगुर्ले साईमंगल कार्यालय येथे संपन्न झाली. यावेळी व्यासपीठावर युवा सेना सचिव वरुण सरदेसाई, विक्रांत जाधव, कोकण पदवीधर मतदार संघाचे आघाडीचे भावी उमेदवार किशोर जैन, शिवसेना समन्वयक प्रदिप बोरकर, योगेश दिप्ते, जिल्हाप्रमुख संजय पडते, समन्वयक बाळा गावडे, संपर्कप्रमुख मालचंद्र चिपकर, सुधीर घाणे, अमित पेडणेकर, अथर्व साळवी, सिंधुदुर्ग जिल्हा युवा सेना प्रमुख मंदार शिरसाट, गितेश राऊत, रुबी राऊत, सुनिल ढाणे, एसटी आगार सेनेचे अनुप नाईक, योगेश नेमटे आदी उपस्थित होते.
या कार्यक्रमाचे उदघाटन युवा सेना सचिव वरुण सरदेसाई यांच्या हस्ते करण्यात आले. मान्यवरांचे स्वागत शहरप्रमुख अजित राऊळ, युवा सेनेचे पदाधिकारी पंकज शिरसाट, महिला आघाडी संघटक सुकन्या नरसुले, उपतालुका प्रमुख संजय गावडे यांनी केले तर प्रास्ताविक व आभार तालुका प्रमुख यशवंत उर्फ बाळू परब यांनी मानले.
