बेळगाव-पंढरपूर, बेळगाव-मुंबई नव्या रेल्वेसाठी निवेदन

बेळगाव : बेळगाव-पंढरपूर, बेळगाव-मुंबई रेल्वेसाठी सोमवारी खासदार इराण्णा कडाडी यांनी केंद्रीय रेल्वे बोर्डच्या चेअरमन जयावर्म सिन्हा यांना निवेदन दिले. नवी दिल्ली येथे त्यांची भेट घेऊन त्यांच्याशी चर्चाही करण्यात आली. बेळगाव-पंढरपूर, बेळगाव-मुंबई, बेळगाव ते झारखंडमधील शिखरजीपर्यंत नवी रेल्वे सुरू करण्यात यावी. हम्पी एक्स्प्रेसचा धर्मवरनहून प्रशांतीनिलयम (पुट्टपर्ती) पर्यंत विस्तार करावा, अशी मागणी करण्यात आली आहे.चेअरमननी या मागणीवर सकारात्मक प्रतिक्रिया व्यक्त करून आवश्यक ती पावले उचलण्याचे आश्वासन दिले आहे.