‘द लेडी किलर’चा ट्रेलर प्रदर्शित

बॉलिवूडमधील अभिनेत्री भूमी पेडणेकर आणि अर्जुन कपूर यांचा आगामी चित्रपट ‘द लेडी किलर’ दीर्घकाळापासून चर्चेत आहे. निर्मात्यांनी आता या चित्रपटाचा ट्रेलर प्रदर्शित केला आहे. हा चित्रपट प्रेक्षकांना मिस्ट्री आणि थ्रिलचा फूल डोस पुरविणार असल्याचे हा ट्रेलर पाहून स्पष्ट होते. ‘द लेडी किलर’चा हा ट्रेलर 2 मिनिटे आणि 22 सेकंदांचा आहे. चित्रपटाचा ट्रेलर सोशल मीडियावर अपलोड होताच भूमी अन् अर्जुनच्या अभिनयाचे कौतुक होत आहे. या चित्रपटाद्वारे अर्जुन आणि भूमी हे पहिल्यांदाच एकत्र झळकणार आहेत. ट्रेलरमधील दोघांची केमिस्ट्री प्रेक्षकांना पसंत पडत आहे. या चित्रपटाचे दिग्दर्शन अजय बहल यांनी केले आहे. द लेडी किलर हा चित्रपट 3 नोव्हेंबर रोजी प्रदर्शित होणार आहे. चित्रपटगृहांसोबत अर्जुनचा हा चित्रपट ओटीटी प्लॅटफॉर्मवरही प्रदर्शित केला जाणार आहे. अर्जुन कपूर हा स्वत:च्या प्रोफेशनल आयुष्यासोबत खासगी आयुष्यावरूनही चर्चेत असतो. अर्जुन हा अभिनेत्री मलायका अरोराला डेट करत आहे. काही दिवसांपूर्वी दोघांचाही ब्रेकअप झाल्याची अफवा पसरली होती. परंतु अर्जुन आणि मलायकाने ब्रेकअप झाले नसल्याचे स्पष्ट केले आहे.