मागील काही काळापासून अभिनेत्री सुष्मिता सेनची लोकप्रिय सीरिज ‘आर्या’ चर्चेत आहे. या सीरिजचे दोन सीझन आतापर्यंत प्रदर्शित झाले असून त्यांना मोठा प्रतिसाद मिळाला आहे. लवकरच तिसरा सीझन प्रदर्शित होणार आहे. आर्या 3 सीझनचा ट्रेलर निर्मात्यांकडून प्रदर्शित करण्यात आला आहे.
आर्या 3 मध्ये सुष्मिता सेन पुन्हा एकदा ‘शेरनी’च्या दमदार भूमिकेत दिसून येणार आहे. अभिनेत्रीचे चाहते या सीरिजची आतुरतेने प्रतीक्षा करत आहेत. ट्रेलरमध्ये सुष्मिता सिंगल मदर म्हणून स्वत:च्या मुलांच्या रक्षणासाठी बरेच काही करताना दिसून येणार आहे. या सीझनमध्ये ती पूर्वीपेक्षा अधिक आक्रमक अवतारात दिसून येत आहे. या सीझनमध्ये इला अरुण आणि इंद्रनील सेनगुप्ता या नव्या कलाकारांनी साकारलेल्या व्यक्तिरेखांशी तिचा सामना होणार आहे.
‘सुरुवात नाईलाजाने झाली होती, परंतु शेवट माझ्या मंजुरीने होणार आहे’ असे डिस्ने प्लस हॉटस्टारने याचा व्हिडिओ शेअर करत पॅप्शनमध्ये नमूद केले आहे. आर्या 3 सीरिज 3 नोव्हेंबर रोजी डिस्ने प्लस हॉटस्टारवर झळकणार आहे. यावेळी देखील सुष्मिता स्वत:च्या मुलांच्या रक्षणासाठी गँगस्टर्सशी भिडताना दिसून येणार आहे.
