वृत्तसंस्था/ काबूल
पश्चिम अफगाणिस्तानात रविवारी सकाळी पुन्हा एकदा भूकंपाचे धक्के जाणवले. याची तीव्रता 6.3 रिश्टर स्केल इतकी मोजली गेली आहे. हेरात शहरापासून 33 किलोमीटर अंतरावर भूकंप झाल्याचे युएस जिओलॉजिकल सर्व्हेने सांगितले. यापूर्वी अफगाणिस्तानमध्ये शुक्रवारी 4.6 रिश्टर स्केलचा भूकंप झाला होता. या आठवड्यात देशात झालेला हा दुसरा भूकंप होता. त्यापूर्वी 11 ऑक्टोबर रोजी अफगाणिस्तानमध्ये 6.1 रिश्टर स्केलचा भूकंप झाला होता. या भूकंपात अनेक घरांची पडझड झाली असून या आपत्तीतून अफगाणिस्तान अजूनही सावरलेला नाही. या आपत्तीतील जीवितहानीचा आकडा चार हजारांच्या पुढे पोहोचला असून अनेक जखमी लोक इस्पितळात उपचार घेत आहेत.
