बेळगाव : शहरामध्ये ड्रेनेजची समस्या दिवसेंदिवस गंभीर बनत चालली आहे. अनेक ठिकाणी ड्रेनेजचे पाणी रस्त्यावरून वाहत आहे. त्याची दुरुस्ती करण्याकडे दुर्लक्ष होत आहे. अशा तक्रारी वाढल्या आहेत. गेल्या काही महिन्यापासून नेहरुनगर येथे ड्रेनेजचे पाणी रस्त्यावरून वाहत आहे. मात्र त्या ड्रेनेजची दुरुस्ती करण्याकडे दुर्लक्ष होत आहे. यामुळे नागरिकांतून तीव्र संताप व्यक्त करण्यात येत आहे. नेहरुनगर येथील महादेव मंदिरच्या मागील बाजूस असणाऱ्या मुख्य रस्त्यावरून हे ड्रेनेजचे पाणी वाहत आहे. सिव्हिल हॉस्पिटल ते एपीएमसी रस्त्यावर नेहमीच वर्दळ असते. मात्र या रस्त्यावर हे पाणी गेल्या अनेक महिन्यांपासून वाहत आहे. याबाबत महापालिकेला कळवूनदेखील त्याकडे दुर्लक्ष करण्यात आले आहे. तेव्हा तातडीने याची दुरुस्ती करावी, अशी मागणी होत आहे. केवळ नेहरूनगरच नाही तर अनेक ठिकाणी ड्रेनेजचे पाणी रस्त्यावरून वाहताना दिसत आहे. मात्र ड्रेनेजच्या दुरुस्तीकडे दुर्लक्ष होत आहे. अनेक ठिकाणी गटारी तुंबून दुर्गंधी पसरत आहे. त्यामुळे डासांचा प्रादुर्भाव वाढला आहे. तेव्हा तातडीने ड्रेनेजची दुरुस्ती करावी, अशी मागणी होत आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
