ज्युनियर एनटीआरचा चित्रपट
‘आरआरआर’ या चित्रपटाद्वारे प्रेक्षकांची मने जिंकणारा दाक्षिणात्य सुपरस्टार ज्युनियर एनटीआरच्या चित्रपटाची चाहते आतुरतेने प्रतीक्षा करत असतात. आगामी काळात हा अभिनेता ‘देवरा’ चित्रपटात दिसून येणार आहे. या चित्रपटाचे दिग्दर्शन कोरातला सिवा यांनी महत्त्वाची घोषणा केली आहे.
देवरा हा चित्रपट दोन हिस्स्यांमध्ये तयार करण्यात आला आहे. यामुळे या चित्रपटाचा पहिला भाग 5 एप्रिल रोजी चित्रपटगृहांमध्ये प्रदर्शित केला जाणार असल्याचे त्यांनी सांगितले आहे. या घोषणेनंतर चाहते ‘देवरा’साठी अत्यंत उत्सुक झाले आहेत. देवरा हा ज्युनियर एनटीआरच्या कारकीर्दीतील 30 वा चित्रपट आहे.
या चित्रपटात सैफ अली खान आणि जान्हवी कपूर देखील महत्त्वाच्या भूमिकेत दिसून येणार आहेत. या चित्रपटातील जान्हवी अन् सैफचा लुक यापूर्वीच समोर आला आहे. हे तिन्ही कलाकार पहिल्यांदाच एकत्र झळकणार आहेत. जान्हवी या चित्रपटाद्वारे दक्षिणेत पदार्पण करणार आहे.
