राहुल गांधी विवादात्मक पोस्टरवरून काँग्रेसची निदर्शने

बेळगाव : काँग्रेसचे नेते राहुल गांधी यांच्या विरोधात भाजपकडून षड्यंत्र रचले जात आहे. त्यांची प्रतिमा मलिन करण्यासाठी राहुल गांधी यांना रावण असल्याचे दाखविले जात आहे. रावणाची प्रतिकृती ठरवून समाजमाध्यमांवर अपप्रचार केला जात आहे. याला भाजप कारणीभूत आहे, असा आरोप करत जिल्हा काँग्रेसकडून काँग्रेस भवन येथे जिल्हा काँग्रेस ग्रामीण अध्यक्ष विनय नावलगट्टी यांच्या नेतृत्वाखाली आंदोलन करण्यात आले. भाजपकडून राहुल गांधी यांची प्रतिमा मलिन करण्यात येत आहे. या विरोधात काँग्रेस कार्यकर्त्यांकडून तीव्र विरोध करण्यात आला. या पोस्टरबाजीवरून काँग्रेस     समर्थकांकडून तीव्र संताप व्यक्त करण्यात येत आहे. भाजपकडून ही कृती केल्याचा आरोप करत निषेध करण्यात आला.  भाजप व पंतप्रधान नरेंद्र मोदी यांच्या विरोधात घोषणाबाजी करण्यात आली. यावेळी काँग्रेस नेते उमेश बाळी, बसवराज शेगांवी, राजू सलीम, सैयद मन्सूर, अनंतकुमार बॅकुड, सरला सातपुते, आएशा सनदी आदी उपस्थित होते