शिरोळ प्रतिनिधी
चारचाकी गाडीच्या काचा बंद करून मध्यप्राशन केल्याने गुदमरून मृत्यू झाला झाल्याची घटना शुक्रवारी रात्री दहा वाजण्याच्या सुमारास शिरोळ- जयसिंगपूर रोडवरील के.पी.टी. जवळ घडली.
याबाबत पोलिसातून मिळालेली माहिती अशी की, मयत प्रदीप भुपाल माणकापुरे वय वर्ष, 53 रा. आगर हे गाडीमध्ये मृतावस्थेत आढळले. दारूच्या नशेत चारचाकी गाडीत बसून गाडीच्या काचा बंद केल्याने त्यांचा गुदमरून मृत्यू झाला असल्याचा अंदाज पोलिसांनी व्यक्त केला आहे. याबाबतची वर्दी मयताचा भाऊ विकास माणकापूरे यांनी शिरोळ पोलिसात दिली असून अधिक तपास पोलीस हेड कॉन्स्टेबल जाधव हे करीत आहेत.
