राष्ट्रीय जलतरण स्पर्धेत ज्योती कोरीचे यश

बेळगाव : दिल्ली येथे डॉ. श्यामप्रसाद मुखर्जी जलतरण तलावात 6 व्या अखिल भारतीय फन जलतरण संघटना आयोजित जलतरण स्पर्धेत बेळगावच्या आरोग्य खात्याची जलतरण पटू ज्योती कोरी 1 सुवर्ण, 4 रौप्य पदकासह यश संपादन केले आहे. तर विहान कोरीने ज्युनियर गटात चौथा क्रमांक पटकाविला आहे. तालकोटोरा जलतरण तलावात घेण्यात आलेल्या सहाव्या अखिल भारतीय फन जलतरण स्पर्धेत बेळगावच्या आरोग्य खात्याचे जलतरणपटू ज्योती कोरी (होसट्टी) यानी 200 मी. एसएफ मोनोफन स्पर्धेत सुवर्णपदक, 100 मी. एसएफ मोनोफनमध्ये रौप्य पदक, 50, 100, 200 मी. बटरफ्लॉय बी फन स्पर्धेत 3 रौप्यपदके पटकाविली. एकूण 1 सुवर्ण, 4 रौप्य पदकाची कमाई ज्योती कोरी यांनी केली आहे. याच स्पर्धेत विहान कोरीने सहभाग घेऊन 50 मी बटरफ्लाय स्पर्धेत चौथा क्रमांक पटकाविला. ज्योती कोरीला जलतरण प्रशिक्षक गोवर्धन काकतीकर, सुधीर कुसाने, नितेश कुडूचकर यांचे बहुमूल्य मार्गदर्शन तर केएलईचे फिजियो थेरीफीचे विभाग प्रमुख डॉ. बसवराज मोतीमठ यांचे प्रोत्साहन लाभले आहे.