कुडाळात होणार ”माझा लोकराजा” महोत्सव

दशावतारी कलाकार स्व. सुधीर कलिंगण यांच्या स्मृतींना मिळणार उजाळा

कुडाळ : वार्ताहर
दशावतारी कलाकार लोकराजा सुधीर कलिंगण यांच्या स्मृतींना उजाळा देण्यासाठी कुडाळ येथे लवकरच ”माझा लोकराजा” नावाने महोत्सव आयोजित करण्याचा निर्णय कुडाळ तालुका दशावतारी कलाकारांच्या बैठकीत रविवारी घेण्यात आला.8 ऑक्टोबर रोजी पुन्हा बैठकीचे आयोजन असून यात तालुका संघटना कार्यकारणीची निवड करण्यात येणार आहेत. अशी महिती देण्यात आली. कुडाळ तालुका दशावतारी कलाकारांची बैठक आज कुडाळ – एमआयडीसी येथील श्री देव ब्राह्मण मंदिरात आयोजित करण्यात आली होती. तालुक्यातील दशावतारी कलाकार एकत्रित यावा . तो संघटित व्हावा. यासाठी सदर बैठकीत चर्चा करण्यात आली. तसेच या कलाकारांनी स्वतः स्वतःसाठी काही केले पाहिजे. एखाद्या कलाकाराला प्रसंगाच्यावेळी आर्थिक सहाय्य करण्याबाबाबत चर्चा करण्यात आली. तालुक्यातील बहुसंख्य कलाकार उपस्थित होते.