हुपरी,वार्ताहर
Kolhapur News : पट्टणकडोली (ता.हातकणंगले )येथे मराठा कॉलनीत असलेले श्री तुळजाभवानी मातेच्या मंदिरात मध्यरात्रीच्या वेळी अज्ञात चोरट्याने मंदिराच्या भिंतीवरून उडी मारून मंदिरात प्रवेश करून धाडसी चोरी केल्याची घटना उघडकीस आली आहे.देवीचे चांदीचे मुकुट,कंबरपट्टा,देवीच्या गळ्यातील मनीमंगळसूत्र आणि मंदिराच्या दानपेटीतील लाखो रुपये चोरीस गेल्याची घटना उघडकीस आली आहे.सर्वांच्या मनात भीतीचे वातावरण निर्माण झाले आहे.
मंदिराचे पुजारी जयसिंग दळवी ते पहाटे पाच वाजता मंदिरात पूजेसाठी आल्यानंतर मंदिरात चोरी झाल्याचे निदर्शनास आले.त्यांनी तात्काळ मंदिराच्या विश्वस्त कमिटीला बोलावून त्यांच्या निदर्शनास चोरीचा प्रकार आणून दिला.पोलीस निरीक्षक किशोर शिंदे आणि त्यांचे सहकारी घटनास्थळी भेट देऊन पहाणी केली आणि पंचनामा केला.नुकतेच मंदिराच्या सभामंडपाचे काम सुरू असून मंदिरात असणारे सर्व सीसीटीव्ही कॅमेरे काढण्यात आले होते.याच संधीचा फायदा घेत अज्ञात चोरट्यांनी देवीच्या डोक्यावरील अंगावरील सोन्या-चांदीचे दागिने लंपास केले आहेत.
