सार्वजनिक गणेशोत्सव मंडळांतर्फे आयोजन : विविध कार्यक्रमांसह सत्यनारायण पूजाही : कार्यक्रमांना मिळाला नागरिकांचा उदंड प्रतिसाद
बेळगाव : शहर परिसरात रविवारी गणेशोत्सवानिमित्त विविध सार्व. गणेशोत्सव मंडळांकडून गणहोम, महाआरती आणि महाप्रसादाचे वाटप करण्यात आले. खडक गल्ली येथील सार्व. गणेशोत्सव मंडळाकडून गणहोम आणि महाप्रसादाचे वितरण करण्यात आले. सकाळी गणहोम झाला. दुपारी महाप्रसादाचे वाटप करण्यात आले. यावेळी हजारो भक्तांनी महाप्रसादाचा लाभ घेतला. धर्मवीर संभाजी गल्ली, महाद्वार रोड सार्वजनिक गणेशोत्सव मंडळातर्फे रविवारी गणहोम, महाआरती व महाप्रसादाचे आयोजन करण्यात आले होते. एंजल फौंडेशनच्या मीनाताई अनिल बेनके उपस्थित होत्या. यावेळी 5 हजारहून अधिक भक्तांनी महाप्रसादाचा लाभ घेतला. याप्रसंगी अध्यक्ष संतोष गुंजीकर, उपाध्यक्ष राहुल कुरणे यासह कार्यकर्ते उपस्थित होते.
नानावाडी येथील सार्व. गणेशोत्सव मंडळातर्फे रविवारी सत्यनारायण पूजा आणि महाप्रसादाचे वितरण करण्यात आले. सकाळी गणेश मंडपात सत्यनारायण पूजा झाली. दुपारनंतर महाप्रसादाचे वाटप करण्यात आले. याचा लाभ बहुसंख्य गणेश भक्तांनी घेतला. रक्षक कॉलनी, विजयनगर येथील सार्व. विघ्नहर्ता युवक मंडळातर्पे रविवारी नेत्र तपासणी, दंत तपासणी, रक्त तपासणी, सत्यनारायण पूजा आणि महाप्रसादाचे आयोजन करण्यात आले. नेत्र, रक्त आणि दंत तपासणी शिबिराला नागरिकांचा उदंड प्रतिसाद मिळाला. सकाळी गणेश मंडपात सत्यनारायण पूजा आणि दुपारी महाप्रसादाचे वितरण करण्यात आले. हजारो भक्तांनी महाप्रसादाचा लाभ घेतला. याप्रसंगी रणजित पाटील, प्रशांत पाटील, सुरेंद्र अनगोळकर, सचिन पावशे, राहुल उरणकर यासह कार्यकर्ते उपस्थित होते.
