आरपीडी पदवीपूर्व कॉलेजला सर्वसाधरण विजेता

बेळगाव : जिल्हा क्रीडांगणावर पदवीपूर्व शिक्षण खाते व एक्सपर्ट पदवीपूर्व महाविद्यालय आयोजित जिल्हास्तरीय अॅथलेटिक स्पर्धेत आरपीडी महाविद्यालयाच्या विद्यार्थ्यांनी यश संपादीत करीत सर्वसाधारण विजेतेपद पटकाविले आहे. आरपीडीपीयू कॉलेजच्या खालील विद्यार्थ्यांनी विविध स्पर्धांमध्ये भाग घेऊन जनरल चॅम्पियनशिप मिळवली आहे. यामध्ये वैभवी बुद्रुकने 100 मी. धावणेत सुवर्ण, 200 मी. धावणेत सुवर्ण, 400 मी. धावणेत सुवर्णपदक, धनश्री पाटीलने 800 मी. धावणेत सुवर्ण, 1500 मी. धावणेत सुवर्ण, 3000 मी. धावणेत सुवर्ण, क्रॉस कंट्रीत सुवर्णपदक, स्मिता काकतकरने लांब उडीत सुवर्ण, तिहेरी उडीत सुवर्ण, 400 मी. अडथळा शर्यत सुवर्णपदक, अपूर्व नाईकने 100 मी. अडथळा शर्यतीत सुवर्ण, 100 मी. धावणेत रौप्य, 200 मी. धावणेत रौप्यपदक, अदिती गडकरीने तिहेरी उडीत रौप्य, उंच उडीत रौप्य, लांब उडीत कांस्य, 4×100 मी. रिलेत सुवर्ण, 4×400 मी. रिलेत सुवर्णपदक, शुभम कुंदेकरने भाला फेकमध्ये सुवर्णपदक पटकाविले. वरील सर्व विद्यार्थ्यांचे राज्यस्तरीय स्पर्धेत निवड झाली असून त्यांना आरपीडी पदवीपूर्व महाविद्यालयाच्या चेअरपर्सन लता कित्तुर, व्हा. चेअरमन ज्ञानेश कलगटघी यांचे प्रोत्साहन तर क्रीडानिर्देशक अनंद रत्नाप्पागोळ व प्राचार्य सुजाता बिजापुरे यांचे मार्गदर्शन लाभले.