बेळगाव: बेळगाव के के कोप्प जवळ सुवर्णसौध नजीकच्या रस्त्या शेजारील खड्ड्यात केएसआरटीसी बस पलटी झाल्याची घटना आज सकाळी घडली आहे. प्रत्यक्षदर्शींनी दिलेल्या माहितीनुसार या बसमधून 40 हून अधिक प्रवासी प्रवास करीत होते. या अपघातात महिला परिचलिकेसह काही प्रवासी गंभीर जखमी झाल्याची माहिती समोर आली आहे.
त्यांना बाहेर काढण्यासाठी मोठी कसरत करावी लागली असून जखमींना उपचारासाठी बेळगाव जिल्हा रुग्णालयात दाखल करण्यात आले आहे. घटनास्थळी पोलीस दाखल झाले असून अधिक चौकशी सुरु आहे.
