पणजी : बाणस्तारी अपघातातील संशयित मेघना सावर्डेकर हिचा वाहनचालन (ड्रायव्हिंग लायसेन्स) परवाना वाहतूक खात्याने रद्द केला असून तसा आदेश जारी करण्यात आला आहे. अपघातप्रकरणी तिला सुनावणीसाठी कारणे दाखवा नोटीस बजावण्यात आली होती. तेव्हा तिने आपण वैयक्तिक कारणास्तव वाहन चालविण्यास योग्य नसल्याचे स्पष्टीकरण दिल्यानंतर तिचा परवाना रद्द करण्याचा निर्णय खात्याने घेतला आहे. वाहन परवाना परत करण्यासाठी तिला पुन्हा पुन्हा नोटीस पाठविण्यात आली होती. परंतु, तिने त्याकडे दुर्लक्ष करून परवाना परत केला नाही. तसेच अतिवेगाने वाहन चालविले म्हणून देण्यात आलेल्या चलनाची रक्कमही भरली नसल्याची माहिती वाहतूक खात्याच्या सूत्रांनी दिली. तिने वाहतूक नियमांचे सातत्याने उल्लंघन केल्याचे बाणस्तारी अपघातानंतर समोर आले आहे. ती आता वाहन चालक परवान्यावर दावा करू शकत नाही. त्यासाठी तिला कोर्टाचा आदेश आणावा लागेल किंवा नवीन वाहनचालक परवान्यासाठी अर्ज करावा लागणार आहे. बाणस्तारी अपघातास जबाबदार कोण आणि गाडी कोण चालवत होते, यावर बरेच वादंग झाले होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
