मुंबई
डिझेल वाहनांवर 10 टक्के इतका कर लावला जाणार असल्याच्या बातमीचा परिणाम मंगळवारी शेअरबाजारात दिसून आला. ऑटो क्षेत्रातील कंपन्यांचे समभाग दबावात असल्याचे दिसून आले. मात्र केंद्रीय मंत्री नितीन गडकरी यांनी नंतर डिझेल वाहनांवर 10 टक्के कर लावण्याच्या वृत्ताचा इन्कार केल्याने कंपन्यांचे समभाग उत्तरार्धात सावरताना दिसले. महिंद्राचे समभाग 1513 रुपयांवरुन सावरत नंतर 1546 वर आले. अशोक लेलँडचे समभाग 2.98 टक्के घसरत 179 रुपयांवर आले होते.
