ठाकरे शिवसेनेच्या आंदोलनास यश
वेंगुर्ले उपजिल्हा रुग्णालयातील समस्या येत्या 30 दिवसांत दूर करण्याचे उपजिल्हा रूग्णालयाचे अधिक्षक डॉ. संदिप सावंत यांचेकडून लेखी आश्वासन
वेंगुर्ले (वार्ताहर)-
वेंगुर्ले शहरातील उपजिल्हा रुग्णालयातील दुराव्यवस्था व विविध समस्यांबाबत वेंगुर्ला तालुका उद्धव बाळासाहेब ठाकरे शिवसेनेतर्फे शुक्रवारी उपजिल्हा रुगणालयाच्या ठिकाणी आंदोलन सुरू झाले.दरम्यान, जिल्हा शल्य चिकित्सक श्रीपाद पाटील यांनी उपजिल्हा रुग्णालयास कायमस्वरूपी अधिक्षक म्हणून डॉ. संदिप सावंत दिलेले आहेत तसेच नुतन अधिक्षक डॉ. संदिप सावंत यांनी वेंगुर्ले तालुका उद्धव बाळासाहेब ठाकरे शिवसेनेच्या शिष्टमंडळाशी चर्चा करून येत्या 30 दिवसांत केलेल्या मागण्यांची पुर्तता करण्याचे लेखी आश्वासन दिले.
वेंगुर्ले उपजिल्हा रुग्णालयामध्ये शासकीय नियमानुसार मंजूर वैद्यकीय अधिकारी पदे उपलब्ध करून देण्यात यावीत, डॉक्टर, इंचार्ज सिस्टर-२ आणि सफाई कर्मचारी यांचे एप्रिलपासून पगार नाहीत, गेल्या एक महिन्यापासून कनिष्ठ लिपिक आठवड्यातून एखादा हजर राहूतात, त्यामुळे निधी खर्च करणे, विवाह नोंदणी करणे ऑफिससची कामे होत नाहीत. त्यामुळे रुग्णांच्या रोषाला सामोरे जावे लागते. नवीन लिपिक मिळावा, औषधनिर्माण अधिकारी वेळेवर ड्युटीवर हजर ड्युटीवर हजर राहत नाहीत, त्यामुळे रुग्णांना थांबून राहवे लागते. रुग्णालयातील लाईट गेल्यानंतर जनरेटर सुरू करा म्हणून सांगितले तर डिझेल नाही. जनरेटर असून डिझेल उपलब्ध नाही. प्रयोगशाळेत मशिनरी व प्रयोगशाळेत तंत्रज्ञ असून रिएजंट उपलब्ध नाहीत, त्यामुळे रुग्णांना २ दिवस रिपोर्टसाठी थांबावे लागते. पी.एम. रूम मोडकळीस आल्याने पी.एम. करणाऱ्या कर्मचाऱ्यांना धोकादायक स्थिती निर्माण झालेली आहे. रुग्णवाहिकेच्या शेडवरील पत्रे तुटल्याने धोका निर्माण झाला आहे. रुग्णवाहिकेला ड्रायव्हर नाही. रुग्णालयाची सोलार सिस्टीम नवीन असून सुरु केलेली नाही. रुग्णालयाच्या आवारात जीर्ण झालेले वृक्ष असून त्यामुळे रुग्णालयाच्या आवारातील केबीन पी. एम. रूम यांना धोका आहे. रुग्णालयाच्या रस्त्याच्या पलिकडे विहीर असून ती स्वच्छ करून पंपशेड मोडलेली आहे. ती नवीन बांधून त्याचे पाणी रुग्णालयाच्या वापरासाठी देण्यात यावे. सर्व शिपमध्ये सुरक्षारक्षक मिळावेत, एक्सरे टेक्नीशियन उपलब्ध नाही. एक्सरे मशीन ही जुन्या इमारतीमध्ये असून रुग्णाची होणारी परवड लक्षात घेत मशिनरी नवीन इमारतीत स्थलांतरीत करण्यात यावी, रुग्णालयामध्ये पुरेशा प्रमाणात औषधे उपलब्ध करून द्यावीत. रुग्णालयाच्या डॉक्टर निवासात कोण रहात आहे. यासह 17 मुद्दे यावर शिवसेनेचे तालुका प्रमुख यशवंत उर्फ बाळू परब, शहर प्रमुख अजित राऊळ, उपजिल्हाप्रमुख प्रकाश गडेकर, माजी नगराध्यक्ष संदेश निकम, माजी नगरसेविका सुमन निकम, माजी उपनगराध्यक्ष अस्मिता राऊळ, महिला आघाडी संघटक मंजुषा आरोलकर, वायंगणी माजी सरपंच सुमन कामत यांनी उपजिल्हा रुग्णालयाचे अधिक्षक डॉ. संदिप सावंत यांचेशी चर्चा केली.
यावेळी उपजिल्हा रुग्णालयाचा डॉक्टर निवास हा रिकामी आहे तेथे कोणी रहात नाहीत. रक्ताचे रिपोर्ट हे त्याचदिवशी मिळतील.रुग्णालयासाठी असलेल्या टेक्नीकल मशिनरीसाठी तंत्रज्ञ देण्यात येईल. १०२ रुग्णवाहिकेसाठी चालक मिळण्यासाठी जिल्हा शल्यचिकीत्सकांकडे मागणी करणार असल्याचे तसेच सफाई कामगार मिळवून घेण्यासाठी प्रयत्न करणार असल्याचे डॉ. संदिप सावंत यांनी स्पष्ट केले.यावेळी रुग्णालयाच्या वैद्यकिय अधिकारी डॉ. स्वप्नाली-माने पवार, अधिरीचारीका सौ. डिसोजा तसेच शिवसेनेचे माजी जिल्हा प्रमुख तुषार सापळे, उपतालुका प्रमुख संजय गावडे, अँङ जीजी टांककर, अल्पसंख्याक सेलचे तालुका प्रमुख रफिक बेग, विभाग प्रमुख संदीप पेडणेकर, सुजित चमणकर, गजाननन गोलतकर, दिलीप राणे, हेमंत मलबारी, दया खर्डे आदी उपस्थित होते. या जिल्ह्यातील दोन मंत्री असताना उपजिल्हा रुग्णालयात डॉक्टर नसल्याची खंत या जिल्ह्यातील दोन सुपुत्र हे शासनात कॅबिनेट मंत्री असताना सर्वसामान्य जनतेस उपजिल्हा रुग्णालयाच्या माध्यमातून चांगली आरोग्य सेवा मिळू शकत नाही. हे दुर्दैव आहे. जनतेतून या बाबत तीव्र नाराजी व्यक्त होत असल्याचे मत तालुका प्रमुख यशवंत परब यांनी स्पष्ट केले.
