लोककल्प फाऊंडेशनतर्फे नेत्रचिकित्सा शिबिर

बेळगाव : लोककल्प फाऊंडेशनच्या वतीने नेरसे, ता. खानापूर येथे नंदादीप नेत्रालयातर्फे नेत्रचिकित्सा शिबिराचे आयोजन करण्यात आले होते. ग्रामीण भागातील नागरिकांना आरोग्याच्या सुविधा उपलब्ध करून द्याव्यात, या उद्देशाने हे शिबिर घेण्यात आले. या शिबिरामध्ये 127 हून अधिक नागरिकांनी नेत्रतपासणी करून घेतली. नंदादीप आय केअर हॉस्पिटलचे जनसंपर्क अधिकारी आनंद, खानापूर तालुका अधिकारी शेखर हिरेसोमण्णावर, ग्राम पंचायत अध्यक्ष रणजित देसाई, पीडीओ सागरकुमार बिरादार, लोककल्प फाऊंडेशनचे प्रसाद असुकर, संतोष कदम, अनंत गावडे उपस्थित होते.