कुलगुरू, प्र-कुलगुरूंचा समावेश; प्र-कुलगुरूंचा एच इंडेक्स सर्वाधिक 84
कोल्हापूर प्रतिनिधी
जागतिक पातळीवरील संशोधकांची क्रमवारी ‘ए. डी. सायंटिफिक इंडेक्स-2023‘ जाहीर झाली. या जागतिक संशोधकांच्या अद्यावत क्रमवारीत शिवाजी विद्यापीठातील कुलगुरू डॉ. डी. टी. शिर्के आणि प्र-कुलगुरू डॉ. पी. एस. पाटील यांच्यासह एकूण 96 वैज्ञानिक, संशोधकांचा समावेश आहे. प्र-कुलगुरू डॉ. पाटील यांचा एच इंडेक्स विद्यापीठात सर्वाधिक 84 इतका आहे.
अमेरिकेतील मिशीगन विद्यापीठामार्फत निर्देशांक सन 2021 पासून दरवर्षी जाहीर करते. सन 2021 मध्ये 48, सन 2022 मध्ये 80, मार्च 2023मध्ये 92 आणि आता 96 अशा चढत्या क्रमाने विद्यापीठातील संशोधकांची या यादीमधील संख्या वाढत आहे. अमेरिकेच्या मिशीगन विद्यापीठातील प्रा. मूरत आल्पर आणि प्रा. सिहान डॉजर या दोघांनी संयुक्तपणे ‘ए.डी. सायंटिफिक इंडेक्स‘ विश्लेषित केला आहे. गुगल स्कॉलरवरील संशोधकांचा गेल्या पाच वर्षांतील एच-इंडेक्स, आय-टेन इंडेक्स हे निर्देशांक तसेच सायटेशन स्कोअर (उद्धरणे) आदींचे पृथक्करण केले. एकूण 55 देश, 10,886 विद्यापीठे आणि 4 लाख 4 हजार 228 शास्त्रज्ञांच्या संशोधकीय कामगिरीचे विश्लेषण करून एच इंडेक्स, आय 10 इंडेक्स आणि सायटेशन इत्यादी शास्त्राrय निकषांवर व्यक्ती आणि संस्थांची उत्पादकता, कार्यक्षमतांचे मूल्यांकन केले. या रँकिंगमध्ये शिवाजी विद्यापीठातील 96 संशोधक-प्राध्यापकांनी स्थान मिळवले. गतवर्षीच्या संशोधकांनी आपले स्थान कायम राखले आहे. या संशोधकांत स्थान प्राप्त करणारे कुलगुरू डॉ. शिर्के संख्याशास्त्र विषयातील एकमेव संशोधक आहेत. प्र-कुलगुरू डॉ. पाटील यांनी मटेरियल सायन्स, सौरघट, इलेक्ट्रोमॅग्नेटिझम, गॅस सेन्सर आणि नॅनोविज्ञान व तंत्रज्ञानातील संशोधनासाठी क्रमवारीत आघाडीचे स्थान कायम राखले आहे.
संशोधकांची नावे
पदार्थविज्ञान शास्त्र- डॉ. प्रमोद पाटील, डॉ. केशव राजपुरे, डॉ. सी. एच. भोसले, डॉ. ए. व्ही. मोहोळकर, डॉ. आर. जी. सोनकवडे, डॉ.व्ही. आर. पुरी, डॉ. एम. व्ही. टाकळे, डॉ. टी. जे. शिंदे, डॉ. एस. बी. सादळे, डॉ.ए. बी. गडकरी, डॉ. एस. एस. पाटील. रसायनशास्त्र- डॉ. के. एम. गरडकर, डॉ. एस. एस. कोळेकर, डॉ. ए. व्ही. घुले, डॉ. एस. डी. डेलेकर, डॉ. जी. बी. कोळेकर, डॉ. डी. एम. पोरे, डॉ. आर. एस. साळुंखे, डॉ. एम. बी. देशमुख, डॉ. जी. एस. राशिनकर, डॉ. डी. एच. दगडे, डॉ. एस. एम. पाटील, डॉ. व्ही. व्ही. गावडे. जैवरसायनशास्त्र- डॉ. एस. पी. गोविंदवार, डॉ. जे. पी. जाधव, डॉ. के. डी. सोनवणे, डॉ. पी. बी. दंडगे, डॉ. पी. के. पवार. इलेक्ट्रॉनिक्स- डॉ. टी. जी. डोंगळे, डॉ. एस. आर. सावंत, डॉ. पी. एन. वासंबेकर, डॉ. आर. आर. मुधोळकर. वनस्पतीशास्त्र- डॉ.एन. बी. गायकवाड, डॉ. डी. के. गायकवाड, डॉ. एस. जी. घाणे, डॉ. आर. व्ही. गुरव. प्राणीशास्त्र- डॉ. एम. व्ही. शांताकुमार, डॉ. टी. व्ही. साठे, डॉ. के. मोरे, डॉ. एम. बी. भिलावे, डॉ. एस. एम. गायकवाड, डॉ. एन. ए. कांबळे, डॉ. एम. व्ही. वाळवेकर, डॉ. ए. ए. देशमुख. पर्यावरणशास्त्र- डॉ. पी. डी. राऊत, डॉ. विजय कोरे, डॉ. सोनल चोंदे. अन्न विज्ञान व अभियांत्रिकी- डॉ. ए. के. साहू, डॉ. आर. सी. रणवीर. संख्याशास्त्र- डॉ. डी. टी. शिर्के. गणित शास्त्र- डॉ. के. डी. कुच्चे. नॅनोसायन्स व तंत्रज्ञान- डॉ. के. के. शर्मा, डॉ. पी. जे. कसबे, डॉ. मेघा देसाई. फार्मसी- डॉ. जॉन डिसूझा, डॉ.ए.एस. पायघन. मानव्यविद्या आणि भाषा विभाग- डॉ. एम. एस. देशमुख, डॉ. मेघा नानिवडेकर, डॉ. तृप्ती करेकट्टी, डॉ. पी. एस. कांबळे, डॉ. के. व्ही. मारुलकर. अभियांत्रिकी व तंत्रज्ञान- डॉ. व्ही. ए. सावंत, डॉ. एस. आर. यंकंच्ची, डॉ. यू. आय. बोंगळे, डॉ. आय. एस. उडचण, डॉ. एच पंडित. भूगोल- डॉ. यश शिंदे, डॉ. सचिन पन्हाळकर. संगणक शास्त्र – डॉ. के. खराडे, डॉ. के. एस. ओझा.
Shivaji University
