बेळगाव ग्रामीण तालुकास्तरीय क्रीडा स्पर्धा : जिल्हास्तरीय स्पर्धेसाठी खेळाडू पात्र : कुस्ती, ज्युडो, अॅथलेटिक प्रकारात उत्तम कामगिरी
बेळगाव : सार्वजनिक शिक्षण खात्यातर्फे बेळगाव ग्रामीण तालुकास्तरीय क्रीडा स्पर्धेत खादरवाडीच्या मराठा मंडळ स्कूलने विविध प्रकारात यश संपादन केले आहे. बेळगाव तालुकास्तरीय प्राथमिक व माध्यमिक क्रीडा स्पर्धेत मराठा मंडळ खादरवाडी स्कूलने भाग घेतले. त्यामध्ये प्राथमिक गटात कुस्तीमध्ये प्रताप शिवणगेकरने 30 किलो वजनी गटात प्रथम क्रमांक, सुषमा शिंदेने 40 किलो वजनी गटात प्रथम क्रमांक, आजान शरीफने 75 किलो वजनी गटात प्रथम क्रमांक, आंचल पाटीलने 35 किलो वजनी गटात द्वितीय क्रमांक, झाकीर सनदीने 38 किलो वजनी गटात द्वितीय क्रमांक, समर्थ बाळेकुंद्रीने 22 किलो वजनी गटात द्वितीय क्रमांक पटकाविला. कराटेमध्ये कैफ धामणेकरने 33 किलो वजनी गटात प्रथम क्रमांक, बुध्दीबळ स्पर्धेत जाहीद सय्यदने प्रथम क्रमांक, ज्युडो स्पर्धेत मुलांच्या गटात केदारनाथ जाधव, प्रथमेश बस्तवाडकर, दर्शन साळुंखे, स्वराज पाटील, कैफ धामणेकर, प्रताप शिवणगेकर, समर्थ बाळेकुंद्री व आजान शरीफ यांनी आपापल्या गटात प्रथम क्रमांक पटकाविला. तर मुलींच्या विभागात संस्कृती माळवी, श्रेया पाटील, आंचल पाटील, अंकिता कंकनमेले, झाकीरा सनदी, राधिका नेसरकर, सई किल्लेकर, भुवनेश्वरी परब यानी विविध गटात प्रथम क्रमांक पटकाविला.
माध्यमिक गटात कुस्तीमध्ये सेजल कांगलेने 70 किलो वजनीगटात प्रथम क्रमांक, मिजान सौदागरने 60 किलो वजनी गटात प्रथम क्रमांक, आदित्य पाटीलने 52 किलो वजनी गटात प्रथम क्रमांक, भार्गवी सुतारने 45 किलो वजनी गटात द्वितीय, ममता पाटीलने 46 किलो वजनी गटात द्वितीय, यश सलामने 55 किलो वजनी गटात द्वितीय क्रमांक पटकाविला. कराटे स्पर्धेत यश सलाम व मिजान सौदागर यानी 55 किलो वजनी गटात प्रथम क्रमांक पटकाविला. बुध्दीबळ स्पर्धेत साहील सय्यदने प्रथम क्रमांक, 1500 मीटर धावण्याच्या स्पर्धेत आदित्य पाटीलने प्रथम, दोरीच्या उड्या स्पर्धेत सुरज राजगोळी, अनिकेत नेसरकर, श्रेयस जाधव, अभिषेक पाटील, जितू गोरल यांनी प्रथम क्रमांक पटकाविला. ज्युडो स्पर्धेत रमेश जाधव, जितू गोरल, यश सलाम, मिजान सौदागर, श्रवण पुजारी, गणेश माळवी, भूषण पानोरे, श्रेया पुजारी, भार्गवी सुतार, ममता पाटील, सेजल कांगले यानी विविध गटात प्रथम क्रमांक पटकाविले. या सर्व खेळाडूंना क्रीडा शिक्षक अतुल शिरोले यांचे बहुमूल्य मार्गदर्शन व संस्थेच्या अध्यक्षा राजश्री नागराजु, मुख्याध्यापिका वनश्री नायर यांचे प्रोत्साहन लाभत आहे.
