टिळकवाडी विभागीय क्रीडा स्पर्धेत गोमटेशला यश

बेळगाव : सार्वजनिक शिक्षण खात्यातर्फे घेण्यात आलेल्या माध्यमिक क्रीडा स्पर्धेत गोमटेश हायस्कूलच्या खेळाडूंनी विविध प्रकारात घवघवीत यश संपादन करून तालुका स्पर्धेसाठी पात्र ठरले आहेत. जिल्हा क्रीडागंणावर आयोजित करण्यात आलेल्या या स्पर्धेत गोमटेशच्या खेळाडूंनी यश संपादन केले आहे. त्यामध्ये मुलांच्या गटात समर्थ माळवी 100 व 200 मीटर धावण्याच्या स्पर्धेत द्वितीय व तृतिय, 400 व 800 मी. धावने पूर्णानंदने प्रथम तर महेश ढवळेने दुसरा क्रमांक, 1500 व 3000 मी. धावण्यात फाल्गुन पाटीलने प्रथम क्रमांक,  3000 वॉक स्पर्धेत आदर्श होसूरकरने प्रथम, थाळीफेकमध्ये रक्षित मानेने द्वितीय, भालफेकमध्ये ऋतुराज पाटीलने प्रथम तर संजु हडपदने द्वितीय क्रमांक पटकाविला. हातोडाफेकमध्ये पार्थ होनगेकरने प्रथम क्रमांक, 4×100 रिले स्पर्धेत समर्थ पुर्णानंद, महेश व मनिश यांनी प्रथम क्रमांक पटकाविला. तर मुलींच्या गटात 100 मी. सेजल मेहरवाडने प्रथम, 200 व 400 मी. मध्ये समृध्दी सोनार प्रथम व द्वितीय, स्मिता कांबळे द्वितीय, 800 मी धावणे अक्षरा मजुकर प्रथम, निरजंना पाटील तिसरा, 1500 व 3000 मी. धावणे अक्षरा मजुकर प्रथम क्रमांक, थाळीफेक, भालाफेक व हातोडा फेकमध्ये गायत्री कदम प्रथम, अडथळा शर्यतीत मृदला पवार तिसरा क्रमांक तर 4×100 मी. रिलेमध्ये मृदला, सेजल समृध्दी, अक्षरा यांनी प्रथम क्रमांक पटकाविले. या सर्व खेळाडूंना क्रीडा शिक्षक नितीन नाईक, विठ्ठल, महावीर जनगौडा, किरण तारळेकर यांचे बहुमुल्य मार्गदर्शन लाभले आहे. तर संस्थेचे अध्यक्ष माजी आ. संजय पाटील, मुख्याध्यापक सुनिल पाटील यांचे प्रोत्साहन लाभत आहे.