पॉपस्टार रिहानाला पुत्ररत्न

पॉप सिंगर रिहाना अन् तिचा प्रियकर रॉकी दुसऱ्या मुलाचे पालक झाले आहेत. 35 वर्षीय रिहानाने एका मुलाला जन्म दिला आहे. रिहानाला याआधीही एक मुलगा असून तो मे 2022 मध्ये जन्मला होता. रिहाना अन् रॉकीने स्वत:च्या दुसऱ्या मुलाला कोणते नाव दिले हे अद्याप समोर आलेले नाही. रिहानाच्या पहिल्या मुलाचे नाव आरझेडए आहे. रिहानाने हे नाव रॅपर आणि निर्माता रॉबर्ट फिट्झगेराल्ड डिग्ग्ज यांच्या नावावर ठेवले आहे. रिहाना अन् रॉकी मागील काही काळापासून परस्परांना डेट करत आहेत. रिहाना ही जगातील सर्वात श्रीमंत महिला संगीतकार आहे. रिहानाची एकूण मालमत्ता 1.7 दशलक्ष डॉलर्स इतकी आहे. रिहाना ही गायन अन् अभिनयासोबत कॉस्मेटिक तसेच अॅपरल्सच्या व्यवसायातून मोठे उत्पन्न मिळवित आहे. रिहानाचा जगभरात मोठा चाहतावर्ग आहे. रिहानाची झलक पाहण्यासाठी तिचे चाहते मोठी रक्कम खर्च करण्यास तयार असतात. गरोदर असल्याने रिहानाने मागील काही काळात स्वत:चे शो आयोजित केले नव्हते. परंतु पुढील काही महिन्यांनी तिचे शो आयोजित होणार असून ते प्रामुख्याने अमेरिकेत पार पडणार आहेत.