युद्धात गमाविले दोन्ही पाय, नृत्यामुळे आता सुपरस्टार

जगात असे अनेक लोक आहेत जे समोर किंचित आव्हान उभे राहिले तरीही हार मानतात. आव्हानांशी लढून मात करण्याऐवजी शरणागती पत्करतात. परंतु काही जण स्वत:च्या अडचणींनाच स्वत:च्या शक्तीत रुपांतरित करत असतात. युक्रेनच्या सैन्यात कधीकाळी सामील असलेला 27 वर्षांचा ओलेक्सांद्रची कहाणी सध्या सोशल मीडियावर व्हायरल होत आहे. या शूरवीराने रशियासोबत सुरू असलेल्या युद्धात स्वत:चे दोन्ही पाय गमाविले. यामुळे त्याला सैन्यातील नोकरीही सोडावी लागली. परंतु स्वत:च्या जीवनात हार मानण्याऐवजी ओलेक्सांद्रने नवे क्षेत्र निवडले. त्याने बॅले डान्समध्ये कारकीर्द घडविण्याचा निर्णय घेतला आणि आज तो सुपरस्टार म्हणून ओळखला जातो. ओलेक्सांद्रच्या नृत्याचे हजारो चाहते आहेत. त्याचा शो पाहण्यासाठी दरदिनी हजारो लोक येत असतात. ओलेक्सांद्र कृत्रिम पाय न लावताच नृत्य करतात. त्याने युनायटेड युक्रेनियन बॅले कंपनीत भाग घेतला असून ही कंपनी त्याच्या शोचे आयोजन करते. अमेरिकेत त्याने अनेक शो केले आहेत. ओलेक्सांद्रला नृत्याची आवड पहिल्यापासून होती, परंतु त्याने देशासमोर संकट उभे राहिल्यावर सैन्यात प्रवेश केला. यानंतर मागील वर्षी ऑगस्टमध्ये रशियाविरोधी युद्धात त्याने स्वत:चे दोन्ही पाय गमाविले. ओलेक्सांद्रचे आयुष्य अत्यंत अवघड राहिले आहे. तो ग्राफिक डिझायनर देखील आहे. त्याने कॉफी शॉपमध्ये वेटर म्हणूनही काम केले आहे. रशियासोबतचे युद्ध सुरू झाल्यावर त्याने सैन्यात सामील होण्याचा निर्णय घेतला होता. याचदरम्यान एका स्फोटात त्याने स्वत:चे पाय गमाविले होते. अशा स्थितीत हार मानता त्याने स्वत:चे प्रयत्न सुरू ठेवल्याने आता त्याच्या नृत्याचे हजारो चाहते आहेत. अनेक लोकांसाठी तो प्रेरणा ठरला आहे.