शारिब हाश्मी, शर्मन जोशी आणि डेझी शाह हे तिन्ही कलाकार लवकरच ’द घोस्ट ऑफ गांधी’ या चित्रपटात दिसून येणार आहेत. या चित्रपटाचा टीझर प्रदर्शित करण्यात आला आहे. निर्माते या चित्रपटाद्वारे नवी संकल्पना सादर करू पाहत असल्याचे या टीझरमधून जाणवते.
या चित्रपटात डेजी शाह मध्यवर्ती भूमिकेत आहे. आपल्याला सर्वत्र गांधी दिसून येत असल्याचे डेजी शाह साकारत असलेली व्यक्तिरेखा सांगत असल्याचे या टीझरमध्ये दिसून येत आहे. या चित्रपटात सुरेंद्र राजन हे महात्मा गांधींची भूमिका साकारत आहेत. त्यांनी यापूर्वी मुन्नाभाई एमबीबीएसमध्ये महत्त्वाची भूमिका पार पाडली होती. याचबरोबर सुरेंद्र यांनी अजय देवगणचा चित्रपट ‘द लीजेंड ऑफ भगत सिंह’मध्ये महात्मा गांधींची व्यक्तिरेखा साकारली होती.
द घोस्ट ऑफ गांधी या चित्रपटाची कथा अन् दिग्दर्शनाची जबाबदारी मनीष किशोर यांनी पार पाडली आहे. या चित्रपटातून आरजे मैहवश बॉलिवूडमध्ये पदार्पण करत आहे. चित्रपटात अतुल श्रीवास्तव आणि दीपक कालरा यासारखे कलाकार ही दिसून येणार आहेत. तर निर्मात्यांनी हा चित्रपट कधी प्रदर्शित होणार हे अद्याप उघड केलेले नाही.
