ज्ञान प्रबोधन मंदिरमध्ये ‘आल्फीया’ महोत्सव उत्साहात

बेळगाव : ज्ञान प्रबोधन मंदिर या आयसीएसई विद्यालयात ‘आल्फीया’ या आंतरशालेय महोत्सवाचे आयोजन करण्यात आले होते. शाळेचे संचालक अनिल चौधरी व नितीन कपिलेश्वरकर यांच्या हस्ते दीपप्रज्वलनाने उद्घाटन करण्यात आले. यावेळी अनिल चौधरी म्हणाले, आजचे युग स्पर्धेचे आहे. या स्पर्धांमधून आपण बरेच काही शिकतो. प्राथमिक व माध्यमिक विद्यार्थ्यांनी स्वागतगीत व नृत्य सादर केले. सुनिधी हलकारे हिने स्वागत केले. प्राचार्या मंजिरी रानडे यांनी स्पर्धकांना शुभेच्छा दिल्या. सदर महोत्सवात मास्टर आणि मिस आल्फीया, समूह गीत गायन, समूह नृत्य, ट्रेझर हंट, वाद-विवाद, सिनेमॅटोग्राफी, फॅशन शो तसेच सरप्राईज इव्हेंट आदींचा समावेश होता. केएलई इंटरनॅशनल स्कूलने याचे सर्वसाधारण अजिंक्यपद पटकाविले. बक्षीस समारंभास अॅड. रविंद्र मुतालिक उपस्थित होते. यावेळी त्यांनी विद्यार्थ्यांना मार्गदर्शन केले. यावेळी शाळेचे प्रशासक डॉ. गोविंद वेलिंग, शिक्षकवृंद, विद्यार्थ्यांची उपस्थित होती. सूत्रसंचालन हंसिका सैनानी, हेमांग सौंदलगेकर, सुनिधी हलकारे व रिजुल पाटील यांनी केले. प्राचार्या मंजिरी रानडे यांनी आभार मानले. शिक्षिका रिबेका सेराफिम यांचे मार्गदर्शन लाभले.