बेळगाव : तिसरे रेल्वेगेट परिसरात गटारीमध्ये अडकलेल्या एका गायीची सामाजिक कार्यकर्ते व अग्निशमन विभागाच्या प्रयत्नांमुळे सुटका केली. रविवारी सकाळी मंगेश पेट्रोल पंपाशेजारील गटारीमध्ये गाय अडकली होती. गाय सुटका करून घेण्याच्या प्रयत्नात काँक्रिटच्या गटारीत अडकून बसली. यामुळे गटारीवरील झाकण फोडून गायीला बाहेर काढावे लागले. गटारीमध्ये गाय अडकल्याची माहिती श्रीराम सेना हिंदुस्थान तसेच बावा संघटनेच्या कार्यकर्त्यांना मिळाली. त्यांनी तात्काळ घटनास्थळी धाव घेत गायीची सुटका करण्याचा प्रयत्न केला. परंतु, गाय बंदिस्त गटारीमध्ये अडकल्याने काढणे कठीण होते. त्यामुळे अग्निशमन विभागाच्या अधिकाऱ्यांना माहिती दिली. त्यांनी गटारीवरचे काँक्रीट फोडून गायीला बाहेर काढले. गायीला बाहेर काढताना तिच्या शरीराला किरकोळ दुखापत झाल्याने प्राथमिक उपचार करण्यात आले. यावेळी नरू निलजकर, आतिष धाटोंबे, शुभम सुतार, चेतन कांबळे, संतोष दरेकर, अवधूत तुडयेकर, अनिल पाटील, अँथनी यासह अग्निशमन विभागाचे कर्मचारी उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
